Բիզնեսի կորպորատիվ կառավարումը Հայաստանում նոր ձևավորվող մշակույթ է։ Կորպորատիվ Կառավարման Կենտրոնն այժմ մեր երկրում զբաղվում է տվյալ ոլորտի հիմնախնդիրներով։ Առաքելությունը՝ միջազգային լավագույն փորձը, ճանաչված սկզբունքները հասցնել Հայաստան։ Կենտրոնի տնօրեն Նարինե Մելիքյանը նշում է՝ իրենց նպատակը նախևառաջ հասարակությանը իրազեկելն է, խորհրդատվություն տրամադրելը։ Սրա հետ մեկտեղ գործում է նաև Միջազգային մասնավոր ձեռնարկատիրության կենտրոն (CIPE)-ը, որը գործում է ԱՄՆ առևտրի կենտրոնի հովանու ներքո։ Լուիզա Այվազյանը կառույցի Հայաստանյան ներկայացուցիչն է։ Նա ընդգծում է՝ կառույցը նպաստում է ժողովրդավարության տարածմանը, սակայն մասնավոր հատվածի միջոցով։ Բիզնես աշխարհի երկու ներկայացուցիչ ընկերություններ այժմ համատեղ սկսել են նոր նախաձեռնություն՝ Բիզնեսի բարեվարքության ակումբ։ Այդ մասին նրանք պատմում են «Թարմ ուղեղով» հաղորդման այս թողարկմանը։
Share with friends and colleagues:
