Կորպորատիվ քարտուղարների ակադեմիա

Վերապատրաստման հիմնական հասցեատերերն են՝

• գործող կորպորատիվ քարտուղարները, ովքեր ցանկանում են արդիականացնել իրենց գիտելիքները կորպորատիվ կառավարման ժամանակակից հիմնախնդիրների ու գործիքակազմի վերաբերյալ,
• բիզնեսի սեփականատերերը, ովքեր նպատակ ունեն իրենց կազմակերպություններում ներդնել կորպորատիվ քարտուղարի գործառույթը,
• պետական իրավասու այն մարմինների աշխատակիցները, որոնք առաքելություն ունեն խթանել կորպորատիվ կառավարման միջավայրի զարգացումը Հայաստանում,
• կորպորատիվ կառավարման այլ պատասխանատուներ (ներքին աուդիտորներ, ռիսկերի կառավարման, համապատասխանության պատասխանատուներ, բիզնես խորհրդատուներ և այլք),
• կորպորատիվ կառավարման հիմնախնդիրներով հետաքրքրված անձինք, որոնք իրենց մասնագիտական զարգացումը տեսնում են կորպորատիվ քարտուղարի կարգավիճակում։

Ակադեմիայի մասնակիցը պետք է ունենա՝

• Բարձրագույն կրթությունպարտադիր է
• LinkedIn սոցիալական ցանցում հասանելի օգտահաշիվպարտադիր է
• Մասնագիտական աշխատանքային փորձառությունցանկալի է

1. Հայտադիմումը ներկայացվում է Կենտրոնի կողմից հայտարարված ժամկետներում՝ վերջինիս համացանցային էջի միջոցով։
2. Հայտադիմումում ներկայացվում են մասնակցության հետաքրքրվածության հիմնավորումը և ձեռք բերված գիտելիքները գործնականում կիրառելու մոտեցումները: Հետաքրքրվածության նամակի լեզուն հայերենն է։

Վերջնաժամկետից հետո ստացված հայտադիմումները չեն դիտարկվում։

Ակադեմիան անցկացվում է դասավանդման հեռավար (հիմնականում) և առկա եղանակների համադրմամբ՝ ըստ հայտարարված ժամանակացույցի։

Ակադեմիայի մասնակիցները պարտավոր են՝

• ապահովել Կենտրոն ներկայացվող տվյալների և տեղեկությունների արժանահավատությունը,
• ակտիվորեն մասնակցել Ակադեմիայի շրջանակներում կազմակերպվող միջոցառումներին՝ անկախ դրանց հրավիրման եղանակից,
• ժամանակին հաճախել Ակադեմիայի միջոցառումներին՝ հետևելով հայտարարված ժամանակացույցին,
• հեռավար միջոցառումների ընթացքում տեսախցիկը պահել ակտիվ վիճակում, խոսափողը միացնել միայն դասընթացավարի կամ մասնակիցների հետ հաղորդակցվելիս,
• արձագանքել և հաղորդակցվել Կենտրոնի պատասխանատուների հետ ինչպես գրավոր, այնպես էլ բանավոր եղանակով։

Անձինք, որոնք չեն մասնակցել Ակադեմիայի միջոցառումների 40 և ավելի տոկոսին, չեն թույլատրվում թեստային քննությանը և չեն ստանում որևէ հավաստագիր։

Կենտրոնը պարտավոր է՝

• Ակադեմիան կազմակերպել և անցկացնել՝ ըստ հայտարարված ծրագրի և ժամանակացույցի,
• Ակադեմիայի ծրագրի, ժամանակացույցի, անցկացման եղանակի հնարավոր փոփոխությունների մասին ծանուցել մասնակիցներին առնվազն 7 աշխատանքային օր առաջ,
• հաշվառել Ակադեմիայի մասնակիցների հաճախումները,
• մասնակիցներին ժամանակին տրամադրել Ակադեմիայի ուսումնական նյութերը,
• սույն կարգով նախատեսված սահմանափակումները կիրառելու դեպքում ներկայացնել հիմնավոր փաստարկներ։

Ակադեմիան կազմակերպվում է Կորպորատիվ Կառավարման Կենտրոնի կողմից Միջազգային մասնավոր ձեռնարկատիրության կենտրոնի աջակցությամբ Միացյալ Թագավորության (ՄԹ) միջազգային զարգացման շրջանակում` ՄԹ կառավարության կողմից ֆինանսավորվող «Արձագանքելով Հայաստանում քայքայիչ կապիտալի սպառնալիքներին․ Փուլ III» ծրագրով։