Կորպորատիվ Կառավարման Կենտրոնը ս.թ. հունիսի 24-ին «Կանայք տնօրենների խորհրդում» վերապատրաստման շրջանակում անցկացրեց «Տնօրենների խորհրդի նիստի խաղարկում» խմբային աշխատանքը։
Խմբային այս աշխատանքի միջոցով մասնակիցները հնարավորություն ունեցան կիրառել և հիմնավորել վերապատրաստման ընթացքում ստացած իրենց գիտելիքները: Խմբային աշխատանքն անցավ բաց ու անմիջական քննարկումների մթնոլորտում և արժանացավ մասնակիցների բարձր գնահատականին:
Այս միջոցառումը հիանալի առիթ էր վերապատրաստման մասնակիցների միմյանց հետ հաղորդակցվելու և «Կանայք տնօրենների խորհրդում» հայաստանյան ցանցի ձևավորմանը նախապատրաստվելու համար:
«Կանայք տնօրենների խորհրդում» վերապատրաստումը իրականացնում է Կորպորատիվ Կառավարման Կենտրոնը Միջազգային Մասնավոր Ձեռնարկատիրության Կենտրոնի (CIPE, www.cipe.org) կողմից աջակցվող «Հայաստան. կանայք տնօրենների խորհրդում» ծրագրի շրջանակում:
