Կորպորատիվ Կառավարման Կենտրոնը ներկայացնում է «10 հարցուպատասխան ESG-ի մասին» գրքույկը:
Շրջակա միջավայրի պաշտպանության, սոցիալական արդարության և անվտանգության ու պատշաճ կառավարման հարցերը (ESG) դառնում են ժամանակակից ընկերությունների կորպորատիվ իրականության անբաժանելի մասը: Հեռատես ընկերությունները դրանք ինտեգրում են իրենց երկարաժամկետ ռազմավարությանը` ինչպես սեփական, այնպես էլ իրենց շահակիցների կայուն զարգացումն ապահովելու համար:
Գրքույկում հարցուպատասխանի ձևաչափով ներկայացվում են ESG-ի էությունն ու բաղադրիչները, հիմնական դրդապատճառներն ու շարժիչ ուժերը, խորհրդի դերակատարումը ESG չափորոշիչների որդեգրման, ինչպես նաև դրանց թափանցիկությունն ապահովելու հարցերում:
Գրքույկը կաջակցի ընկերություններին ESG հանձնառության ստանձնման ու դրա իրագործման գործընթացներում:
Գրքույկը նախատեսված է բաժնետերերի, խորհրդի և գործադիր մարմնի անդամների, կորպորատիվ քարտուղարների, համապատասխանության պատասխանատուների, ներքին աուդիտորների և ընկերության լավ կառավարման համար պատասխանատու այլ անձանց համար:
Գրքույկը մշակել է Կորպորատիվ Կառավարման Կենտրոնի տնօրեն Նարինե Մելիքյանը:
Գրքույկը հասանելի է հայերեն լեզվով:
