Ծրագիրը նպատակ է հետապնդում`
- հանրային քաղաքականության որոշումների կայացման գործընթացում բարձրացնել բիզնես ասոցիացիաների դերը,
- բարելավել հայաստանյան գործարար համայնքի կողմից հակակոռուպցիոն համապատասխանության ստանդարտների ընկալումը ու ուժեղացնել աջակցությունն այս հարցում:
Ի թիվս այլ միջոցառումների, ինչպիսիք են` ջատագովության հարցերում բիզնես ասոցիացիաների կարողությունների ամրապնդումը, էթիկայի և հակակոռուպցիոն համապատասխանության հարցերում գործարար համայնքի իրազեկության բարձրացումը, արդար մրցակցային միջավայրի ձևավորումը` պետության և մասնավոր հատվածի միջև երկխոսության միջոցով, Ծրագրի կարևորագույն բաղադրիչն է հակակոռուպցիոն հավաքական գործողությունների մեկնարկը` Հայաստանում Բիզնեսի բարեվարքության ակումբի ձևավորմամբ:
Ծրագիրն իրականացվել է Կենտրոնի կողմից Միջազգային մասնավոր ձեռնարկատիրության կենտրոնի (CIPE, www.cipe.org) աջակցությամբ:
