Ցանցի առաքելությունն է խթանել լավ կառավարումը Հայաստանում` կազմակերպությունների կառավարման համակարգում բազմազանության և ներառականության մշակույթի տարածման միջոցով:
Հայ կանայք տնօրենների խորհրդում ցանց
Ցանցի նպատակները
- Շարունակաբար զարգացնել հայ կանանց` խորհուրդներում և գործադիր ղեկավար թիմերում գործելու կարողությունները:
- Օժանդակել կազմակերպությունների խորհրդում և/կամ գործադիր ղեկավար թիմում գործող կամ համապատասխան ներուժ ունեցող կանանց տեսանելիությանը և գործարար միջավայրում ճանաչմանը:
- Ստեղծել տաղանդավոր հայ կանանց ընտրանք, ովքեր հետաքրքրված են, պատրաստ են և ունակ են ստանձնել պատասխանատվություն՝ գործելու որպես կազմակերպությունների խորհրդի և/կամ գործադիր թիմի անդամ:
- Խթանել Ցանցի մասնակիցների միջև փորձի փոխանակման և գործարար կապեր հաստատելու հնարավորությունները:
- Նպաստել հայաստանյան և արտասահմանյան կազմակերպությունների միջև կապերի հաստատմանը:
ՑԱՆՑԻՆ ՄԻԱՆԱԼՈՒ ՀԱՅՏ
Ցանցի կանոններ
Ցանցի մասնակիցներ
Ցանցի կամավորներ
Ցանցի խորհրդատվական խորհուրդ
Արամ Բաբայան
Արմենուհի Հովակիմյան
Արմինե Աղաջանյան
Ելենա Խաչվանքյան
Իրինա Փահլևանյան
Նարինե Մելիքյան (նախագահ)
Սիրանուշ Սերոբյան
Վերոնիկա Ազատյան
Ցանցի մասնակցության հանձնախումբ
Հասմիկ Խաչատրյան
Մարիամ Եթարյան
Նարինե Մելիքյան
«Կանայք տնօրենների խորհրդում» վերապատրաստում
Վերապատրաստումը նպատակ է հետապնդում խթանել հայաստանյան կազմակերպությունների տնօրենների խորհրդում կին անդամների ներկայացվածությունը և ներառականությունը:
Վերապատրաստմանը կարող են մասնակցել`
- խորհրդի գործող անդամները, ովքեր ցանկանում են արդիականացնել իրենց գիտելիքները խորհրդի գործունեության ժամանակակից միտումների վերաբերյալ,
- գործադիր թիմի ղեկավար անդամները եւ կորպորատիվ կառավարման հարաբերությունների այլ մասնակիցներ (կորպորատիվ քարտուղարներ, ներքին աուդիտորներ, ռիսկերի կառավարման, համապատասխանության պատասխանատուներ, բիզնես խորհրդատուներ եւ այլք), ովքեր իրենց հետագա զարգացումը տեսնում են խորհրդի անդամի դերում,
- կազմակերպությունների մասնակիցները, ովքեր ցանկանում են իրենց կազմակերպություններում ձեւավորել խորհուրդ կամ խորհրդատվական խորհուրդ:
Վերապատրաստման ընթացքում քննարկվելու են՝
- Կորպորատիվ կառավարման տնտեսական անհրաժեշտությունն ու ժամանակակից միտումները (ESG),
- Տնօրենների խորհուրդը կորպորատիվ կառավարման համակարգում, խորհրդի կազմն ու կառուցվածքը, խորհրդի անդամների իրավունքներն ու պարտականությունները և դրանց դերը կառավարման ժամանակակից միտումների պայմաններում,
- Ֆինանսներ խորհրդի ոչ ֆինանսիստ անդամների համար,
- Խորհրդի դերը ռազմավարության և շուկայավարման ոլորտներում,
- Խորհրդի դերը ներքին հսկողության և ռիսկերի կառավարման համակարգի ձևավորման հարցում,
- Հայաստանում ընկերությունների գործունեությունը կարգավորող օրենսդրությունը:
Վերապատրաստման ընթացքում նախատեսվում են վարպետության երկու դասեր, որոնք նվիրված կլինեն խորհրդի անդամների առաջնորդային կարողությունների զարգացմանը և խորհրդի գործունեության գնահատմանը:
Վերապատրաստման ինտերակտիվությունը խթանելու համար կազմակերպվելու են խմբային քննարկումներ, այդ թվում` խորհրդի խաղարկումներ, ինչպես նաև հաղորդակցման նստաշրջաններ` հատուկ հյուրեր ներգրավելու միջոցով: Վերապատրաստման մասնակիցներն ունենալու են անհատական/խմբային աշխատանքներ:
Մասնակիցներին տրամադրվելու է վերապատրաստման հիմնական թեմաները ներկայացնող էլեկտրոնային ձեռնարկ:
Վերապատրաստումն անցկացվելու է դասավանդման հեռավար և առկա եղանակների համադրմամբ: Հեռավար դասընթացները կազմակերպվելու են Moodle հարթակում:
Դասընթացներն անցկացվելու են շաբաթական երկու օր` երեքշաբթի և հինգշաբթի, օրական երկու ժամ` 16:00-18:00 ընկած ժամանակահատվածում: Վերապատրաստման ընդհանուր տևողությունը 40 ժամ է:
Վերապատրաստումը եզրափակվում է թեստային քննությամբ, որին մասնակցելու հնարավորություն կունենան միայն այն անձինք, ովքեր ակտիվ մասնակցել են վերապատրաստման միջոցառումների առնվազն 80%-ին:
Թեստն անցկացվում է առկա եղանակով: Թեստի հարցերը մշակվում են վերապատրաստման ձեռնարկի հիման վրա:
Թեստի հարցերի առնվազն 70%-ին ճիշտ պատասխանած մասնակցին շնորհվում է վկայագիր առ այն, որ նա հաջողությամբ ավարտել է վերապատրաստումը:
Թեստի ճիշտ պատասխանների նվազագույն շեմը չհավաքած մասնակցին տրվում է վկայագիր առ այն, որ նա մասնակցել է վերապատրաստմանը, կամ մասնակցին տրվում է թեստը վերահանձնելու հնարավորություն:
Վերապատրաստման մասնակիցներն ընտրվում են մրցութային կարգով` հատուկ այդ նպատակով ձևավորված հանձնաժողովի կողմից:
Վերապատրաստման հնարավոր մասնակիցը`
- պետք է ունենա բարձրագույն կրթություն և առնվազն հինգ տարվա մասնագիտական աշխատանքային փորձառություն,
- Linkedin սոցիալական ցանցում ունենա հասանելի օգտահաշիվ:
Վերապատրաստմանը մասնակցելու համար հնարավոր մասնակիցը Կորպորատիվ Կառավարման Կենտրոնի համացանցային էջի միջոցով ներկայացնում է հայտադիմում՝ դրան կցելով hետաքրքրվածության նամակ և մեկ երաշխավորագիր:
Վերապատրաստումն ԱՆՎՃԱՐ է:
Վերապատրաստումը ֆինանսավորվում է Միջազգային Մասնավոր Ձեռնարկատիրության Կենտրոնի (CIPE, www.cipe.org) աջակցությամբ իրականացվող «Եվրոպա եւ Եվրասիա. կառուցողական կապիտալի համար բարենպաստ միջավայրի ձեւավորում – 4-րդ փուլ» ծրագրի դրամաշնորհով:
Վերապատրաստման մասնակիցները
Լիանա Հարությունյան
Մարգարիտ Մելիքյան
Քրիստինե Պողոսյան
Վերապատրաստման մասնակիցների կարծիքները
Թեմատիկ նյութեր
Կիսվե՛ք բարեկամների և գործընկերների հետ