Կորպորատիվ քարտուղարը կորպորատիվ կառավարման համակարգում առանցքային անձ է, որի առաքելությունն է խթանել ընկերության կառավարման արդյունավետության բարձրացումը:
Կորպորատիվ քարտուղարը միաժամանակ կրում է մի քանի «գլխարկ»: Մեկ նա խորհրդատու է, մեկ իր ջանքերն ուղղում է ընկերության իրավական համապատասխանության պահպանմանը, մեկ այլ դեպքում վերահսկում է ընդհանուր ժողովի և տնօրենների խորհրդի որոշումների իրագործումը, ապահովում կորպորատիվ թափանցիկությունը և կորպորատիվ փաստաթղթերի պահպանումն ու հասցեատերերին դրանց տրամադրումը:
«Կորպորատիվ քարտուղարը կորպորատիվ կառավարման համակարգում» ձեռնարկ
Կորպորատաիվ քարտուղարի դերերի բազմազանությունն ու կորպորատիվ կառավարման համակարգում նրա տեղն ու անհրաժեշտությունն ըմբռնելու նպատակով` Կորպորատիվ Կառավարման Կենտրոնը ներկայացնում է «Կորպորատիվ քարտուղարը կորպորատիվ կառավարման համակարգում» ձեռնարկը:
«Կորպորատիվ քարտուղարը կորպորատիվ կառավարման համակարգում» դասընթաց
Դասընթացը նպատակ է հետապնդում կորպորատիվ կառավարման մասնագետների կամ կազմակերպությունների կառավարման համակարգում ընդգրկված անձանց մոտ զարգացնել տեսական և գործնական գիտելիքներ ու հմտություններ կորպորատիվ կառավարման կառուցակարգերի ու կորպորատիվ քարտուղարի դերակատարման մասին:
Դասընթացին կարող են մասնակցել կազմակերպությունների կորպորատիվ քարտուղարներ, տնօրենների խորհրդի քարտուղարներ, կորպորատիվ կառավարման մասնագետներ, խորհրդի անդամներ, ներքին աուդիտի ստորաբաժանման աշխատակիցներ, համապատասխանության և ռիսկերի կառավարման պատասխանատուներ:
Դասընթացը տևում է 12 ժամ:
Դասընթացի մասնակիցներին տրվում է մասնակցության հավաստագիր: