«Կանայք տնօրենների խորհրդում» վերապատրաստումը մտել է եզրափակիչ փուլ: Այս փուլի կարևոր միջոցառումներից է խորհրդի նիստի խաղարկումը:
Այս վարժանքը մասնակիցներին հնարավորություն է տալիս իրատեսական գործարար դեպքի համատեքստում փորձարկել և զարգացնել վերապատրաստման ընթացքում ձեռք բերված գիտելիքներն ու հմտությունները` խորհրդի անդամի իրենց հատկացված դերի շրջանակներում:
Վարժանքի լրացուցիչ արժեքների թվում են խմբային որոշումների կայացման մշակույթին հաղորդակից լինելը և դասեր քաղելը, դեպքային օրինակ կազմակերպության կորպորատիվ կառավարման համակարգի վերլուծությունը, անմիջական շփումները վերապատրաստման այլ մասնակիցների ու կազմակերպիչների հետ:
Կարելի է ասել, որ խորհրդի խաղարկումը գործնական գիտելիքներ զարգացնող ինտեգրացիոն փորձառություն է, որն արժանացավ վերապատրաստման մասնակիցների բարձր գնահատականին:
Վերապատրաստումն իրականացվում է Կորպորատիվ Կառավարման Կենտրոնի կողմից Միջազգային մասնավոր ձեռնարկատիրության կենտրոնի աջակցությամբ Միացյալ Թագավորության (ՄԹ) միջազգային զարգացման շրջանակում՝ ՄԹ կառավարության կողմից ֆինանսավորվող «Արձագանքելով Հայաստանում քայքայիչ կապիտալի սպառնալիքներին․ Փուլ III» ծրագրով:
