Կորպորատիվ Կառավարման Կենտրոնը Բիզնեսի բարեվարքության ակումբի և «Հայ կանայք տնօրենների խորհրդում» ցանցի մասնակիցների ու այլ շահակիցների համար կազմակերպել էր առողջության համապարփակ ապահովագրության թեմային նվիրված հանդիպում: Հանդիպման հիմնական բանախոսն էր «Ամերիա» ընկերությունների խմբի կառավարման խորհրդատվական ծառայության ղեկավար Տիգրան Ջրբաշյանը:
Հանդիպման մասնակիցները հնարավորություն ունեցան ոչ միայն ստանալ առողջության ապահովագրության նոր համակարգի վերաբերյալ իրենց հարցերի պատասխանը, այլև արտահայտել իրենց մտահոգությունները դրա ներդրմամբ պայմանավորված խնդիրների վերաբերյալ:
ՀՀ կառավարության 2023 թվականի փետրվարի 2-ի 133-Լ որոշմամբ հաստատվել է Առողջության համապարփակ ապահովագրության ներդրման հայեցակարգը: Ներկայումս շրջանառության մեջ են դրված «Առողջության համապարփակ ապահովագրության մասին» ՀՀ օրենքի և հարակից այլ իրավական ակտերում փոփոխություններ և լրացումներ կատարելու մասին ՀՀ օրենքների նախագծեր:
