Հոկտեմբերի 20-ին տեղի ունեցավ Բիզնեսի բարեվարքության ակումբի մասնակիցների հանդիպումը` նվիրված «Բաժնետիրական ընկերությունների մասին» ՀՀ օրենքի փոփոխություններին և լրացումներին:
Հանդիպումը նպատակ էր հետապնդում մի կողմից ներկայացնել Օրենքի փոփոխություններն ու լրացումները, իսկ մյուս կողմից խթանել Ակումբի մասնակիցների իրավական համապատասխանությունը և նրանց ուշադրությունը հրավիրել Օրենքով ընձեռվող հնարավորությունների վրա:
Հանդիպման բանախոսն էր «ԹԻՔԵՅ ԸՆԴ ՓԱՐԹՆԵՐՍ» ՓԲԸ-ի ավագ գործընկեր Միսակ Բաբաջանյանը: Հանդիպումն անցավ ակտիվ հարցուպատասխանի ձևաչափով, ինչը մասնակիցներին հնարավորություն տվեց էլ ավելի բացահայտելու Օրենքի գործնական կիրառման նրբությունները:
Ակումբի մասնակիցները հայտնել են իրենց գոհունակությունը միջոցառման վերաբերյալ ու բարձր գնահատել բանախոսի ներկայացումը և հարցերին ըստ էության ու համապարփակ նրա պատասխանները:
