Կորպորատիվ Կառավարման Կենտրոնն արդեն երրորդ անգամ կազմակերպում է «Կանայք տնօրենների խորհրդում» վերապատրաստումը: Առաջին երկու տարիների ընթացքում Կենտրոնը վերապատրաստել է ավելի քան 50 կնոջ: Վերապատրաստումը նպատակ է հետապնդում հայ կանանց կարողությունների և գիտելիքների զարգացման միջոցով` խթանել նրանց ներկայացվածությունը տնօրենների խորհրդում:
Ընթացիկ տարում վերապատրաստումը մեկնարկելու է 2023թ.-ի մարտի 10-ին:
Վերապատրաստումն ուղեկցվում է կորպորատիվ կառավարման թեմատիկ վարպետության դասերով, գործնական խաղերով: Վերապատրաստումը բանախոսների կամ հատուկ հյուրերի կարգավիճակով անցկացնում են միջազգային և տեղական հայտնի փորձագետներ: Տես վերապատրաստման ծրագիրը և ժամանակացույցը:
Վերապատրաստմանը մասնակցելու համար մինչև ս.թ. փետրվարի 28-ը անհրաժեշտ է ներկայացնել հայտադիմում հետևյալ հղումով՝ կցելով վերապատրաստմանը մասնակցելու հետաքրքրվածության գրությունը և երաշխավորագիրը: Նշված փաստաթղթերը կարելի է ներկայացնել դիմումատուի նախընտրած լեզվով` հայերեն կամ անգլերեն:
Վերապատրաստման մասնակիցների ընտրությունը կատարվելու է նշված փաստաթղթերի հիման վրա:
Վերապատրաստումն անվճար է: Այն կազմակերպվում է Միջազգային Մասնավոր Ձեռնարկատիրության Կենտրոնի աջակցությամբ` «Եվրոպա և Եվրասիա. կառուցողական կապիտալի համար բարենպաստ միջավայրի ձևավորում – 4-րդ փուլ» ծրագրի շրջանակներում:
Ակնկալում և կարևորում ենք Ձեր մասնակցությունը: