Կորպորատիվ Կառավարման Կենտրոնն արդեն 4-րդ անգամ կազմակերպում է «Կանայք տնօրենների խորհրդում» վերապատրաստումը։ Առաջին երեք տարիների ընթացքում վերապատրաստումը հաջողությամբ ավարտել է ավելի քան 80 կին:
Ընթացիկ տարում վերապատրաստումը մեկնարկելու է մայիսի 21-ին:
Վերապատրաստումը նպատակ է հետապնդում խթանել հայաստանյան կազմակերպությունների տնօրենների խորհրդում կին անդամների ներկայացվածությունը և ներառականությունը: Վերապատրաստումն ուղեկցվում է կորպորատիվ կառավարման թեմատիկ վարպետության դասերով, գործնական խաղերով:
Վերապատրաստման դասընթացավարներն են Նարինե Մելիքյանը, Ելենա Խաչվանքյանը և Հասմիկ Խաչատրյանը։
Վերապատրաստման շրջանակներում վարպետության դասերն անցկացնելու է Հագեն Շվայնիցը։
Վերապատրաստման մասնակիցներն ունենալու են թեմատիկ հաղորդակցումների հնարավորություն տեղական առաջատար փորձագետներ Արա Չալաբյանի, Իրինա Չոբանյանի, Լիլիթ Գևորգյանի, Սիրարփի Գրիգորյանի և այլոց հետ։
Վերապատրաստման ժամանակացույցը հասանելի է այստեղ։
Վերապատրաստմանը մասնակցելու համար անհրաժեշտ է մինչև ս.թ. մայիսի 15-ը ներկայացնել հայտադիմում հետևյալ հղումով՝ դրան կցելով երաշխավորագիր:
Վերապատրաստումն անվճար է: Այն կազմակերպվում է Միջազգային մասնավոր ձեռնարկատիրության կենտրոնի աջակցությամբ:
Մանրամասներին կարելի է ծանոթանալ հետևյալ հղումով։
