Բիզնեսի բարեվարքության ակումբի շրջանակներում ավանդույթ է դարձել ՀՀ տնտեսական օրենսդրության տարեկան թարմացումների ներկայացման նպատակով սեմինար-քննարկման հրավիրումը:
Հոկտեմբերի 25-ին Ակումբի մասնակիցները և այլ շահակիցներ հնարավորություն ունեցան տեղեկանալ դրանց մասին: Տնտեսական օրենսդրության փոփոխություններն ու լրացումները ներկայացրեց «Անդերսեն Լիգըլ» իրավաբանական ընկերության ավագ գործընկեր Միսակ Բաբաջանյանը: Նա անդրադարձ կատարեց ՀՀ քաղաքացիական, աշխատանքային, հարկային օրենսգրքերի, «Բաժնետիրական ընկերությունների մասին» ՀՀ օրենքի և հարակից այլ նորմատիվ իրավական ակտերի տարեկան թարմացումներին:
Մասնակիցներին շատ հակիրճ ներկայացվեց նաև ՀՀ կորպորատիվ կառավարման նոր կանոնագիրքը:
Ինչպես միշտ հանդիպման մասնակիցները շատ բարձր են գնահատել և՛ թեմայի լուսաբանման անհրաժեշտությունը, և՛ այն ներկայացնող բանախոսին:
