Նոյեմբերի 28-29-ը ՀՀ էկոնոմիկայի նախարարությունը, Միջազգային մասնավոր ձեռնարկատիրության կենտրոնը (CIPE) և Կորպորատիվ Կառավարման Կենտրոնը ՀՀ կորպորատիվ կառավարման նոր կանոնագրքի ներդրման շրջանակներում կորպորատիվ հաշվետվողականության թեմայով երկխոսության էին հրավիրել Հայաստանի ֆոնդային բորսայում ցուցակված ընկերություններին: Միջոցառմանը մասնակցում էին նաև բորսայի ներկայացուցիչները:
Միջոցառման ընթացքում Կորպորատիվ Կառավարման Կենտրոնի կողմից ներկայացվեց Կանոնագրքի հիմնարար սկզբունքները, անդրադարձ կատարվեց «Հետևի՛ր կամ բացատրի՛ր» մոտեցման կիրարկմանը: Միջոցառման մասնակիցների հետ քննարկվեցին Կանոնագրքով նախատեսված տարեկան հաշվետվության և կորպորատիվ կառավարման տարեկան հայտարարագրի ձևաչափն ու նախագիծը: Մասնակիցները հնարավորություն ունեցան կիսվել իրենց մտահոգություններով և առաջարկներով, որոնք հաշվի կառնվեն ներկայացված փաստաթղթերը լրամշակելիս:
