«ՓրայսուոթերհաուսԿուպերս Արմենիա» սահմանափակ պատասխանատվությամբ ընկերությունը և Կորպորատիվ Կառավարման Կենտրոն հիմնադրամը, ունենալով ընդհանուր նպատակներ, որոնք վերաբերում են Հայաստանի գործարար միջավայրում կայուն զարգացման հայեցակարգի ներդրման խրախուսմանը` երկրի տնտեսական համակարգը կառուցողական ներդրումների համար գրավիչ դարձնելու և տնտեսական աճը խթանելու համար, կնքեցին մտադրությունների հուշագիր, որի շրջանակներում կողմերի համատեղ ջանքերն ուղղվելու են`
- ESG հայեցակարգի վերաբերյալ Հայաստանի գործարար համայնքի և հանրության իրազեկվածության բարձրացմանը,
- ESG հայեցակարգի առաջխաղացման նպատակով օրենսդրական փոփոխությունների նախաձեռնմանը և դրանց ջատագովության իրականացմանը,
- ESG հայեցակարգի առաջխաղացման շրջանակներում գտնվող խնդիրների լուծմանը միտված ծրագրերի իրականացմանը:
Կենտրոնն այս կարևոր համագործակցության առաջընթացի մասին իր շահակիցներին կտեղեկացնի կանոնավոր հիմունքներով: