Կորպորատիվ Կառավարման Կենտրոնն օգոստոսի 13-ին կազմակերպել էր Բիզնեսի բարեվարքության ակումբի բաց հանդիպում: Հանդիպման ընթացքում ներկայացվեց Կենտրոնի տնօրեն Նարինե Մելիքյանի հեղինակած «12 հարցուպատասխան գործարար էթիկայի մասին» գրքույկը:
Գրքույկում տեղ են գտել գործարար էթիկային և դրա կանոններին վերաբերող հիմնարար մի շարք հարցերի պատասխաններ, որոնք կօգնեն ընկերություններին ընկալելու գործարար էթիկայի կանոնների անհրաժեշտությունը և հնարավոր առավելությունները: Գրքույկը ընկերություններին կաջակցի գործարար էթիկայի կանոնների մշակման և ներդրման գործընթացներում:
Գրքույկը նախատեսված է բաժնետերերի, խորհրդի և գործադիր մարմնի անդամների, կորպորատիվ քարտուղարների, համապատասխանության պատասխանատուների, ներքին աուդիտորների և ընկերության լավ կառավարման համար պատասխանատու այլ անձանց համար:
Գրքույկը հայերեն լեզվով հասանելի է այստեղ:
Գրքույկը մշակվել է Կորպորատիվ Կառավարման Կենտրոնի կողմից` Միջազգային մասնավոր ձեռնարկատիրության կենտրոնի (CIPE, www.cipe.org) աջակցությամբ իրականացվող «Հայաստան. հզորացնել մասնավոր հատվածին ժողովրդավարական անցմանն աջակցելու համար» ծրագրի շրջանակներում:
