Կորպորատիվ Կառավարման Կենտրոնը ս.թ. հունիսի 17-ին հրավիրում է իր ամենամյա համաժողովը, որն այս տարի նվիրվում է Կենտրոնի 20-ամյա հոբելյանին և անցկացվում «Կորպորատիվ կառավարում. բարեվարքությունը գործարար համայնքում» խորագրի ներքո:
Համաժողովը կանդրադառնա հետևյալ և մի շարք այլ հարցերի`
- Ինչու՞մ է կայանում գործարար համայնքում բարեվարքության մշակույթի անհրաժեշտությունը, և ի՞նչ դերակատարում ունի այդ հարցում տնօրենների խորհուրդը,
- Ինչպե՞ս է Բիզնեսի բարեվարքության ակումբն աջակցում կազմակերպություններին էթիկական առաջնորդման գործընթացում,
- Ինչպե՞ս ուժեղացնել հայ կանանց մասնակցությունը կորպորատիվ որոշումների կայացման գործընթացում,
- Ինչպե՞ս է լավ կառավարումն ազդում ընկերությունների երկարաժամկետ զարգացման և կառուցողական ներդրումների ներգրավման վրա:
Համաժողովը տեղի կունենա «Էլիտ պլազա» բիզնես կենտրոնի «Մանթաշեւ» սրահում (ք. Երևան, Խորենացի 15):
Համաժողովը կազմակերպվում է Միջազգային Մասնավոր Ձեռնարկատիրության Կենտրոնի (www.cipe.org) կողմից աջակցվող «ԵՎՐԱՍԻԱ. ՁԵՎԱՎՈՐԵԼ ԲԱՐԵՆՊԱՍՏ ՊԱՅՄԱՆՆԵՐ ԿԱՌՈՒՑՈՂԱԿԱՆ ԿԱՊԻՏԱԼԻ ՀԱՄԱՐ, 2-ՐԴ ՓՈՒԼ» ծրագրի շրջանակում:
