Կորպորատիվ Կառավարման Կենտրոնը 2022թ.-ի մայիսի 31-ին հավաստագրերի շնորհմամբ եզրափակեց «Կանայք տնօրենների խորհրդում» վերապատրաստման երկրորդ փուլը:
Եզրափակիչ հանդիպմանը մասնակիցները բարձր գնահատեցին վերապատրաստման բովանդակությունը և կազմակերպումը, կիսվեցին իրենց տպավորություններով, հանդես եկան հետագա վերապատրաստումները բարելավելու առաջարկներով և դիտարկումներով:
Կորպորատիվ Կառավարման Կենտրոնի տնօրեն Նարինե Մելիքյանը մասնակիցներին ներկայացրեց հետագա զարգացումները, որոնք մեծամասամբ վերաբերում են Հայ կանայք տնօրենների խորհրդում ցանցի կայացմանն ու ամրապնդմանը:
Վերապատրաստման արդյունքում 20 մասնակցի շնորհվեց «Հավաստագիր վերապատրաստումը հաջողությամբ ավարտելու», իսկ 3 մասնակցի` «Հավաստագիր վերապատրաստմանը մասնակցության» համար:
Կորպորատիվ Կառավարման Կենտրոնն իր համացանցային էջի միջոցով ապահովում է վերապատրաստումը հաջողությամբ ավարտած մասնակիցների տվյալների հասանելիությունը:
Վերապատրաստումը նպատակ է հետապնդում խթանել հայաստանյան կազմակերպությունների տնօրենների խորհրդում կին անդամների ներկայացվածությունը և ներառականությունը:
Վերապատրաստումն անցկացվել է Միջազգային Մասնավոր Ձեռնարկատիրության Կենտրոնի աջակցությամբ իրականացվող «Կանանց տնտեսական հնարավորությունների կենտրոն. աշխարհում տնտեսության վերականգնման հարցում աջակցել կին առաջնորդներին» ծրագրի շրջանակներում:
