Կորպորատիվ Կառավարման Կենտրոնը 2022թ.-ի հուլիսի 15-ին կազմակերպել էր «Ցանցային կապեր ղեկավարների համար» վարպետության դասը, որը վարեց Հագեն Շվայնիցը` Eric Salmon & Partners միջազգային խորհրդատվական ընկերության տնօրենների խորհրդի գլոբալ պրակտիկայի ղեկավարը։
Վարպետության դասի ընթացքում Հագենն անդրադարձավ ցանցային կապերի օգուտներին, դրանց հաստատման եղանակներին, թույլ և ուժեղ կապերի մարտավարություններին: Վարպետության դասի ընթացքում դիտարկվեցին մի շարք գործնական օրինակներ:
Վարպետության դասը եզրափակվեց հարցուպատասխանի սեսիայով: Միջոցառման մասնակիցները հնարավորություն ունեցան ստանալ իրենց հարցերի հանգամանալից պատասխանները և հայտնել իրենց գոհունակությունը ինչպես վարպետության դասի բովանդակությունից, այնպես էլ բանախոսի պրոֆեսիոնալ մոտեցումներից:
Վարպետության դասին մասնակցել է ավելի քան 36 անձ, այդ թվում` Բիզնեսի բարեվարքության ակումբի, «Հայ կանայք տնօրենների խորհրդում» ցանցի մասնակիցները և այլ շահակիցներ: Միջոցառումը հյուրընկալել էր նաև արտասահմանյան գործընկերների, այդ թվում` ԱՄՆ Առևտրի դեպարտամենտի Կոմերցիոն իրավունքի զարգացման ծրագրից:
Վարպետության դասը կազմակերպվել էր Միջազգային Մասնավոր Ձեռնարկատիրության Կենտրոնի «Կանանց տնտեսական հնարավորությունների կենտրոն. աշխարհում տնտեսության վերականգնման հարցում աջակցել կին առաջնորդներին, 2021-2022թթ.» ծրագրի շրջանակներում: