Կորպորատիվ Կառավարման Կենտրոնը 2022թ.-ի հուլիսի 12-ին «Կանայք տնօրենների խորհրդում» վերապատրաստման մասնակիցներին և այլ շահակիցների հրավիրել էր քննարկելու «Հայ կանայք տնօրենների խորհրդում ցանցի կայացում» հարցման արդյունքները, ինչպես նաև ներկայացնելու նմանատիպ ցանցերի միջազգային փորձը:
Հարցումը նպատակ էր հետապնդում բացահայտել Հայ կանայք տնօրենների խորհրդում ցանցի (Ցանց) ձևավորման նպատակահարմարությունը, առաքելությունն ու առանցքային նպատակները, զարգացման հիմնական ուղղություններն ու ֆինանսավորման աղբյուրները, հնարավոր կարգավիճակն ու կառավարման հնարավոր մոտեցումները:
Քննարկման մասնակիցները մեկ անգամ ևս արտահայտեցին իրենց համոզվածությունը Ցանցի ձևավորման նպատակահարմարության վերաբերյալ և բարձրաձայնեցին հարցման արդյունքների և միջազգային փորձի վերաբերյալ իրենց դիտարկումները:
Քննարկումն անցավ բաց ու կառուցողական համագործակցության մթնոլորտում:
