Սեպտեմբերի 13-ին և 14-ին «Հայ կանայք տնօրենների խորհրդում» ցանցի մասնակիցներ Նարինե Մելիքյանը, Ելենա Խաչվանքյանը և Աշխեն Թանյանը վրացի գործարար և ղեկավար պաշտոն զբաղեցնող կանանց ներկայացրին Հայաստանում երեք տարի շարունակ իրականացվող «Կանայք տնօրենների խորհրդում» վերապատրաստման առանցքային թեմաները` թիրախավորելով կորպորատիվ կառավարման ժամանակակից միտումներին, խորհրդի գործունեությանը և ռազմավարական զարգացման հարցերում դրա ունեցած դերակատարմանը, խորհրդի կազմին ու կառուցվածքին, գենդերային բազմազանությանը վերաբերող հիմնախնդիրները: «Հայ կանայք տնօրենների խորհրդում» ցանցի մասնակիցները հնարավորություն ունեցան նաև կիսվելու Ցանցի ձևավորման և կայացման հարցում իրենց փորձառությամբ:
Միջոցառման մասնակից վրացի կանայք աչքի ընկան իրենց բարեկրթությամբ, թեմայի նկատմամբ ազնիվ հետաքրքրվածությամբ, երկխոսության մեջ մտնելու և սեփական կարծիքն անկաշկանդ արտահայտելու կարողությամբ:
