Կորպորատիվ Կառավարման Կենտրոնի կողմից նոյեմբերի 29-ին հրավիրված Բիզնեսի բարեվարքության ակումբի բաց հանդիպումը նվիրվել էր «Ոչ ֆինանսական հաշվետվականության հարցերը Հայաստանում» հետազոտության հիմնական արդյունքների և «10 հարց ու պատասխան ոչ ֆինանսական հաշվետվականության մասին» ձեռնարկի ներկայացմանը: Եթե հետազոտության զեկույցը բացահայտում է ոչ ֆինանսական հաշվետվականության հիմնախնդիրները Հայաստանում, ապա «10 հարց ու պատասխան ոչ ֆինանսական հաշվետվականության մասին» ձեռնարկը նպատակ հետապնդելով բարձրացնել հայ գործարարի իրազեկվածությունը հիմնախնդրի վերաբերյալ` ուղի է հարթում կորպորատիվ հաշվետվականության և թափանցիկության համար:
Հետազոտության զեկույցը և ձեռնարկը մշակվել են Միջազգային մասնավոր ձեռնարկատիրության կենտրոնի (CIPE) աջակցությամբ Կորպորատիվ Կառավարման Կենտրոնի կողմից իրականացվող «Եվրոպա և Եվրասիա. կառուցողական կապիտալի համար բարենպաստ միջավայրի ձևավորում – 4-րդ փուլ» ծրագրի շրջանակներում և հասանելի են Կենտրոնի կայքէջում:
