Կորպորատիվ Կառավարման Կենտրոնը հուլիսի 3-ին հրավիրել էր «Կուսակցությունների ֆինանսավորումը և մասնավոր հատվածի հակակոռուպցիոն համապատասխանությունը» սեմինարը, որը նպատակ էր հետապնդում, իրազեկելով գործարար համայնքի ներկայացուցիչներին Հայաստանում կուսակցությունների ֆինանսավորման կառուցակարգերի, օրենսդրական սահմանափակումների և պատասխանատվության ու հարկադրանքի միջոցների մասին, զերծ պահել նրանց կոռուպցիոն հնարավոր ռիսկերից և խթանել գործարար հատվածի հակակոռուպցիոն համապատասխանությունը: Կուսակցությունների գործունեության, այդ թվում` ֆինանսների կառավարման թափանցիկության տեսանկյունից հատուկ անդրադարձ կատարվեց արտաքին աուդիտի օրենսդրական պահանջին և դրա իրավակիրարկման խնդիրներին:
Սեմինարը վարեց Ինթերնեյշնլ Ֆաունդեյշն ֆոր Իլեքթորալ Սիսթեմս (ԱՅ ԷՖ Ի ԷՍ) կազմակերպության Քաղաքական ֆինանսավորման բաղադրիչի պատասխանատու/իրավախորհրդատու Հասմիկ Տիգրանյանը։
Սեմինարի ավարտին մասնակիցները ստացան իրենց հետաքրքրող հարցերի պատասխանները և բարձր գնահատեցին թեմայի մատչելի ու պրոֆեսիոնալ ներկայացումը։
