Սերնդափոխության պլանավորումը ընտանեկան ընկերությունների ամենացավոտ հարցերից է: Այն հաճախ անտեսվում է, քանի որ ընկերության սեփականատերերն այդ ճանապարհն անցնում են առաջին անգամ և չունեն համապատասխան գիտելիքներն ու փորձառությունը, ընկերությունում ընտանիքի ներկայացվածությունը դիտարկվում է որպես ընդմիշտ տրված իրականություն, հետևաբար, թերագնահատվում է գործընթացի կարևորությունը: Կարելի է շարունակել պատճառների թվարկումը, սակայն դրանով իրավիճակը չի փոխվի:
Հաշվի առնելով այն, որ հայաստանյան ընկերությունների մեծ մասը ընտանեկան է, և սերնդափոխության պլանավորումն ունի ռազմավարական նշանակություն ոչ միայն ընկերությունների, այլև տնտեսական համակարգի դիմակայունության համար` Կորպորատիվ Կառավարման Կենտրոնը մշակել և Ձեզ է ներկայացնում «Սերնդափոխության պլանավորումը ընտանեկան ընկերություններում» թեստ-ուղեցույցը, որը հասանելի է այստեղ։
Ուրախ կլինենք պատասխանել ընտանեկան ընկերությունների կառավարման վերաբերյալ Ձեր հարցերին:
«Սերնդափոխության պլանավորումը ընտանեկան ընկերություններում» թեստ-ուղեցույցը մշակելիս օգտագործվել է Կանադայի Քվեբեկ նահանգի Էկոնոմիկայի, նորարարության և էներգետիկայի նախարարության «Սերնդափոխության մարտահրավերները» ուղեցույցը:
