Կորպորատիվ Կառավարման Կենտրոնը 2022թ. մարտի 16-ին կազմակերպեց «ԻՆՉՊԵ՞Ս ԴԱՌՆԱԼ ՀՈՒՍԱԼԻ ԳՈՐԾԸՆԿԵՐ ՄԻՋԱԶԳԱՅԻՆ ԳՈՐԾԱՐԱՐ ԱՍՊԱՐԵԶՈՒՄ» վարպետության դասը:
Վարպետության դասը վարեց միջազգային փորձագետ, RSM Netherlands Business Consulting Services B.V.-ի կորպորատիվ կառավարման և կորպորատիվ մշակույթի գծով տնօրեն ՄԱՐԼԻՆ ՅԵՆՍԸ:
Մարլինը վարպետության դասի մասնակիցների ուշադրությունը հրավիրեց կոռուպցիայով պայմանավորված խափանումների վրա` նշելով, որ դրանք ոչ միայն խաթարում են համաշխարհային տնտեսությունը, այլև խրախուսում միջազգային ահաբեկչությունը: Կոռուպցիայից զերծ աշխարհ ունենալու հարցում բանախոսն առանձնահատուկ ընդգծեց բարեվարք բիզնեսի դերը, ինչպես նաև բարեվարքության գործարար առավելությունները` հանրային վստահությունն ու գործարար հեղինակության ամրապնդումը, ֆինանսական ցուցանիշների բարելավումը: Հիմնվելով իր հարուստ փորձառության վրա` միջոցառման մասնակիցներին նա մանրամասնորեն ներկայացրեց ներքին և արտաքին շահակիցների հետ գործակցելու այն հիմնական քայլերը, որոնք խթանում են էթիկական բարձր չափորոշիչների կիրառումը բիզնեսում:
Վարպետության դասն ավարտվեց հարցուպատասխանով, որում իր ակտիվ ներդրումն ունեցավ կորպորատիվ կառավարման միջազգային փորձագետ ՀԱԳԵՆ ՇՎԱՅՆԻՑԸ:
Վարպետության դասին մասնակցել են Բիզնեսի բարեվարքության ակումբի, «Հայ կանայք տնօրենների խորհրդում» նախաձեռնության մասնակիցները, ինչպես նաև մասնավոր և հասարակական կառույցների ներկայացուցիչները: Միջոցառումը հյուրընկալել էր նաև գործընկերների արտասահմանից: