Կայուն զարգացումը տնօրենների խորհրդի օրակարգում

Կորպորատիվ Կառավարման Կենտրոնը 2022թ.-ի մարտի 31-ին (հինգշաբթի), ժամը` 16:00-17:00-ը Zoom հարթակում կազմակերպում է «Կայուն զարգացումը տնօրենների խորհրդի օրակարգում» սեմինարը, որի շրջանակներում այլ հարցեր հետ մեկտեղ կդիտարկվեն նաև հետևյալները`

• Ո՞րն է կայուն զարգացման ըմբռնումը բիզնեսի համար:
• Ինչպիսի՞ն պետք է լինի խորհրդի վերաբերմունքը կայուն զարգացման հիմնախնդիրների նկատմամբ:
• Ինչպե՞ս են կայուն զարգացման հիմնախնդիրներն ինտեգրվում կառավարման գործընթացներում:
• Որտե՞ղ են կայուն զարգացման ամենամեծ ռիսկերն ու հնարավորությունները:
• Ինչպե՞ս է կազմակերպությունն իր կայուն զարգացման օրակարգի վերաբերյալ հաղորդակցվում շահակիցների հետ:

Սեմինարը կվարի Բորիս Ջանջալիան, IFC-ի կորպորատիվ կառավարման պատասխանատու:

Սեմինարն անվճար է, կազմակերպվում է Կորպորատիվ Կառավարման Կենտրոնի կողմից Միջազգային Մասնավոր Ձեռնարկատիրության Կենտրոնի (www.cipe.org) «Կանանց տնտեսական հնարավորությունների կենտրոն. աշխարհում տնտեսության վերականգնման հարցում աջակցել կին առաջնորդներին, 2021-2022թթ.» ծրագրի շրջանակներում: