Կորպորատիվ Կառավարման Կենտրոնը ապրիլի 25-ին կրկին սկսեց «Էթիկայի և հակակոռուպցիոն համապատասխանության ծրագիրը» թեմայով դասընթացը:
Մասնակիցների դիրքորոշումը կոռուպցիայի և դրա դրսևորումների վերաբերյալ բացահայտելու նպատակով` դասընթացը մեկնարկեց հարցմամբ: Հարցված մասնակիցների 85%-ի կարծիքով կոռուպցիան չարիք է, և այն պետք է վերացնել: Հարցվածների պատկերացումները կոռուպցիայի դրսևորումների վերաբերյալ բավականաչափ հստակ էին, և կարելի է փաստել կոռուպցիոն երևույթների վերաբերյալ մասնակիցների իրազեկվածության մասին:
Դասընթացի առաջին օրվա ընթացքում ներկայացվեցին էթիկայի և հակակոռուպցիոն համապատասխանության ծրագրի ներդրման շարժառիթներն ու սկզբունքները, հնարավոր օգուտները մասնավոր հատվածի և հասարակության համար: Ներկայացված նյութը հիմնավորվում էր միջազգային հետազոտությունների արդյունքներով, ինչպես նաև տեղական փորձով:
Դասընթացի երկրորդ հանդիպումը նախատեսվում է ապրիլի 27-ին, իսկ ապրիլի 29-ին մասնակիցները հնարավորություն կունենան էթիկայի և հակակոռուպցիոն համապատասխանության վերաբերյալ քննարկելու գործնական օրինակներ և հիմնավորելու դասընթացի նախորդ օրերի ընթացքում ստացած գիտելիքները։
Դասընթացը վարում է Կորպորատիվ Կառավարման Կենտրոնի տնօրեն Նարինե Մելիքյանը:
Դասընթացն անցկացվում է Միջազգային Մասնավոր Ձեռնարկատիրության Կենտրոնի (CIPE, www.cipe.org) աջակցությամբ իրականացվող «Եվրասիա. ձեվավորել բարենպաստ պայմաններ կառուցողական կապիտալի համար, 2-րդ փուլ» ծրագրի շրջանակներում:
