Կորպորատիվ Կառավարման Կենտրոնը հունիսի 17-ին անցկացրեց իր ամենամյա համաժողովը: Այս տարի այն նվիրվել էր Կենտրոնի 20-ամյա հոբելյանին և անցկացվեց «Կորպորատիվ կառավարում. բարեվարքությունը գործարար համայնքում» խորագրի ներքո:
Կորպորատիվ Կառավարման Կենտրոնի տարեկան համաժողովներն անդրադառնում են կորպորատիվ կառավարման ամենահրատապ թեմաներին և Հայաստանի կորպորատիվ հատվածում դրանց ներդրման հնարավորություններին ու հեռանկարներին:
Համաժողովում բացման խոսքով հանդես եկավ ՀՀ արդարադատության նախարարի տեղակալ Երանուհի Թումանյանցը, ով կարևորեց գործարար համայնքում հակակոռուպցիոն համապատասխանության և բարեվարքության մշակույթի ձևավորման անհրաժեշտությունը` որպես գործարար միջավայրի առողջացման ու կենսունակության ապահովման գրավականի:
Համաժողովի ընթացքում միջազգային և տեղական բանախոսների փորձագիտական խումբը պարզաբանեց լավ կառավարման հետ առնչվող մի շարք հարցեր, հատկապես` գործարար համայնքում բարեվարքության մշակույթի ամրապնդման անհրաժեշտությունը և այդ հարցում տնօրենների խորհրդի ունեցած դերը, հայաստանյան կազմակերպություններում էթիկական առաջնորդումը խթանող Բիզնեսի բարեվարքության ակումբի առաքելությունը, հայ կանանց ներկայացվածությունը հայաստանյան ընկերությունների խորհուրդներում և կորպորատիվ որոշումների կայացման գործընթացում նրանց մասնակցության ուժեղացումը, լավ կառավարման ազդեցությունը կազմակերպությունների երկարաժամկետ զարգացման և ներդրումային գրավչության բարձրացման վրա:
Համաժողովն անցավ բաց և անկաշկանդ քննարկումների մթնոլորտում:
Համաժողովին մասնակցել են Հայաստանի գործարար, հանրային, հասարակական հատվածները, ինչպես նաև միջազգային կառույցները ներկայացնող շուրջ 100 մասնակից:
Համաժողովը կազմակերպվել է Միջազգային Մասնավոր Ձեռնարկատիրության Կենտրոնի կողմից աջակցվող «ԵՎՐԱՍԻԱ. ՁԵՎԱՎՈՐԵԼ ԲԱՐԵՆՊԱՍՏ ՊԱՅՄԱՆՆԵՐ ԿԱՌՈՒՑՈՂԱԿԱՆ ԿԱՊԻՏԱԼԻ ՀԱՄԱՐ, 2-ՐԴ ՓՈՒԼ» ծրագրի շրջանակում: